تانیا ئازیزەکەم!https://www.google.de/imgres?imgurl=https://upload.wikimedia.org/wikipedia/commons/thumb/e/e6/Gramsci.png/220px-Gramsci.png&imgrefurl=https://de.wikipedia.org/wiki/Antonio_Gramsci&h=312&w=220&tbnid=70hgjt3R4iOxNM&tbnh=267&tbnw=188&usg=AI4_-kQvmfIViCC_UaLWUEOOD_hRPwaRig&vet=1&docid=iNGJg-4rK4TF_M
دوایین نامەیەک، کە بۆم نووسیت; لە برواری چواری ژانویەدا بوو. ئەوا یازدە رۆژە، منت لە خۆت بێ هەواڵ هێشتووەتەوە. لەم بارودۆخەی ئێستامدا، کارێکی لەو چەشنە، دڵگرانم دەکات. هەست دەکەم ئێمە بتوانین، پێکەوە بڕیارێک دەرکەین و ئەگەر تۆ پەسەندی بکەیت، سێ رۆژ جارێك، کارت پۆستالێکم بۆ بنێریت. منیش هەر وادەکەم. کاتێک شتێکم بۆ نووسین نەبێت، بۆ من ئاساییە کە لە بری بەجێنەهێشتنی هیچکەس، لە هاتووچوو كردن بۆ پۆست، بە دڵنییانییەوە کارت پۆستاڵێکت بۆ بنێرم. لێرە رۆژەکان بە شێوەیەکی یەکچەشن و بێ گۆڕانکاری دەرباز دەبن. رەنگە ئەگەر بە رادەی پێویست، کەیفساز بیت، بتوانم دیمەنگەلێکت، لە ژیانی لادێیی بۆ باس بکەم. بۆ نموونە، دەسبەسەر بوونی بەرازێکت بۆ بگێڕمەوە، کە بە شێوەی نایاسایی لە شەقامەکاندا، خەریکی لەوەڕین بوو. پاشان بە پێی یاسا، رەوانەی بەندیخانە کرا. بۆت باس بکەم؛ شتێکی لەو چەشنە بۆ کات بەسەر بردن زۆر باش بوو. بەڵام دڵنیام نە تۆ و نە جوولیا، باوەڕ بەم شتە ناکەن. رەنگە دەلکا، کاتێک چەند ساڵێک گەورەتر بوو، ئەم رووداوە و چیرۆکگەلێكی دیکەی لەم چەشنە؛ (چیرۆکی عەینەکە سەوزەکەو ئەوانی دیکە) کە حەقیقتیان هەیە، بەبێ ئەوەی بزەی هەڵقوڵاو لە ناباوەڕیی بێتە سەر لێو؛ باوەڕیان پێبکات.
شێوەی گرتنی ئەو بەرازەشم لا شیرین و گاڵتەئامێز بوو: لەكاتێكدا، سمەكانی دوواوەی بەرازەکەیان گرتبوو، پەیتاپەیتا، دەینرکاند و هاواری دەكرد و بۆ پێشەوە، پاڵیان پێوە دەنا. بۆ بەدەست هێنانی زانیاری راست، لەسەر شارەزایی یاساو و رێووشوێنی قەدەغەی لەوەڕین و هەروەها هاتووچووی ئاژەڵان، کەرەستەیەکی ئەوتۆم لەبەردەستدا نییە!! هەست دەکەم بەڕێوەبەرانی تەندرووستی هەموو ئاژەڵەکانی ئەم شارە دەناسن. نمونەیەکی تایبەتی دیکە، کە قەت شتێکم لەبارەیەوە بۆت نەنووسیبوو، ئەوەیە کە لە سەرانسەری ئەم دووڕگەیەدا، جگە لە كەر، کەرەستەیەکی هاتووچووی دیکەی لێ نییە. كەرەكانی ئێرە، ئاژەڵگەلێكی دانسقەن، قەڵافەتێکی زەبەلاح و کاراییەکی لەڕادەبەدەرەیان هەیە، کە دەڵێی دەیانەوێت، خەسڵەتی سرووشتی - مرۆڤی دانیشتووانی ئەم دووڕگەیە پیشان بدەن. لەو گوندەی کە لێی دەژیام، کەرگەڵێکی نیوە ئەهلی هەبوون، کە تەنیا خاوەنە راستەقینەکانیان دەیانتوانی، لێیان نزیک ببنەوە. دیسان سەبارەت بە ئاژەڵەکان: دوێنی چیرۆکێکی زۆر شیرینم لە زمانی عەرەبێکەوە بیست، کە لێرەدا، زیندانییە. ئەو عەرەبە، بە ئیتالییەکی دەست و پێ شکاو و پڕ لە هەڵەی زمانی قسەی دەکرد. بەڵام بە گشتی، ئەو چیرۆکەی کە بۆی گێڕامەوە، تەژیی بوو لە کارەساتی جۆربەجۆر و لە هەمان کاتدا، لایەنی وەسفیشی هەبوو. بیستنی یەکێک لەو چیرۆکانە، شتێکی سەیری لا درووست کردم. ئەویش ئەوه بوو: که رەنگە بکرێت؛ لە ئیتالیاشدا، ئەو گەنمە ناسراوە عەرەبییە بدۆزرێتەوە. هاوڕێ وەنیزییەکانم، پێیان دەگوتم؛ لە مەڵبەندی وەنیز، بۆ سازکردنی پۆلنتا٢، کەڵکوەرگرتن، لەم جۆرە گەنمە باوە.
بەم شێوەیە قسەدانکەم بەتاڵ بووەتەوە. هیوادارم تۆزێک بزەم هێنابێتە سەر لێوت. واتێدەگەم کە ئەم بێدەنگییە درێژەت، بە هۆی ماندوویەتی و خەمەکانتەوەیە و پێویستە تۆزێک پێبکەنیت. تانیا ئازێزەکەم! دەبێ نامەم بۆ بنووسیت. چوون تەنیا نامەم ئەگاتێ. کاتێک بۆ ماوەیەکی درێژ، لای تۆوە، نامەم نەگاتە دەست، دەڵێی؛ زیاتر لە هەمیشە تەنیا کەوتووم و هەموو پێوەندییەکانم لە گەڵ جیهان بڕاوە. بە خۆشەویستییەوە لە ئامێزت دەگرم.
١- Sarceno
٢- پێخۆرێكی ئیتالییە
ئانتوونییو گرامشی 15.01.1927
دوایین نامەیەک، کە بۆم نووسیت; لە برواری چواری ژانویەدا بوو. ئەوا یازدە رۆژە، منت لە خۆت بێ هەواڵ هێشتووەتەوە. لەم بارودۆخەی ئێستامدا، کارێکی لەو چەشنە، دڵگرانم دەکات. هەست دەکەم ئێمە بتوانین، پێکەوە بڕیارێک دەرکەین و ئەگەر تۆ پەسەندی بکەیت، سێ رۆژ جارێك، کارت پۆستالێکم بۆ بنێریت. منیش هەر وادەکەم. کاتێک شتێکم بۆ نووسین نەبێت، بۆ من ئاساییە کە لە بری بەجێنەهێشتنی هیچکەس، لە هاتووچوو كردن بۆ پۆست، بە دڵنییانییەوە کارت پۆستاڵێکت بۆ بنێرم. لێرە رۆژەکان بە شێوەیەکی یەکچەشن و بێ گۆڕانکاری دەرباز دەبن. رەنگە ئەگەر بە رادەی پێویست، کەیفساز بیت، بتوانم دیمەنگەلێکت، لە ژیانی لادێیی بۆ باس بکەم. بۆ نموونە، دەسبەسەر بوونی بەرازێکت بۆ بگێڕمەوە، کە بە شێوەی نایاسایی لە شەقامەکاندا، خەریکی لەوەڕین بوو. پاشان بە پێی یاسا، رەوانەی بەندیخانە کرا. بۆت باس بکەم؛ شتێکی لەو چەشنە بۆ کات بەسەر بردن زۆر باش بوو. بەڵام دڵنیام نە تۆ و نە جوولیا، باوەڕ بەم شتە ناکەن. رەنگە دەلکا، کاتێک چەند ساڵێک گەورەتر بوو، ئەم رووداوە و چیرۆکگەلێكی دیکەی لەم چەشنە؛ (چیرۆکی عەینەکە سەوزەکەو ئەوانی دیکە) کە حەقیقتیان هەیە، بەبێ ئەوەی بزەی هەڵقوڵاو لە ناباوەڕیی بێتە سەر لێو؛ باوەڕیان پێبکات.
شێوەی گرتنی ئەو بەرازەشم لا شیرین و گاڵتەئامێز بوو: لەكاتێكدا، سمەكانی دوواوەی بەرازەکەیان گرتبوو، پەیتاپەیتا، دەینرکاند و هاواری دەكرد و بۆ پێشەوە، پاڵیان پێوە دەنا. بۆ بەدەست هێنانی زانیاری راست، لەسەر شارەزایی یاساو و رێووشوێنی قەدەغەی لەوەڕین و هەروەها هاتووچووی ئاژەڵان، کەرەستەیەکی ئەوتۆم لەبەردەستدا نییە!! هەست دەکەم بەڕێوەبەرانی تەندرووستی هەموو ئاژەڵەکانی ئەم شارە دەناسن. نمونەیەکی تایبەتی دیکە، کە قەت شتێکم لەبارەیەوە بۆت نەنووسیبوو، ئەوەیە کە لە سەرانسەری ئەم دووڕگەیەدا، جگە لە كەر، کەرەستەیەکی هاتووچووی دیکەی لێ نییە. كەرەكانی ئێرە، ئاژەڵگەلێكی دانسقەن، قەڵافەتێکی زەبەلاح و کاراییەکی لەڕادەبەدەرەیان هەیە، کە دەڵێی دەیانەوێت، خەسڵەتی سرووشتی - مرۆڤی دانیشتووانی ئەم دووڕگەیە پیشان بدەن. لەو گوندەی کە لێی دەژیام، کەرگەڵێکی نیوە ئەهلی هەبوون، کە تەنیا خاوەنە راستەقینەکانیان دەیانتوانی، لێیان نزیک ببنەوە. دیسان سەبارەت بە ئاژەڵەکان: دوێنی چیرۆکێکی زۆر شیرینم لە زمانی عەرەبێکەوە بیست، کە لێرەدا، زیندانییە. ئەو عەرەبە، بە ئیتالییەکی دەست و پێ شکاو و پڕ لە هەڵەی زمانی قسەی دەکرد. بەڵام بە گشتی، ئەو چیرۆکەی کە بۆی گێڕامەوە، تەژیی بوو لە کارەساتی جۆربەجۆر و لە هەمان کاتدا، لایەنی وەسفیشی هەبوو. بیستنی یەکێک لەو چیرۆکانە، شتێکی سەیری لا درووست کردم. ئەویش ئەوه بوو: که رەنگە بکرێت؛ لە ئیتالیاشدا، ئەو گەنمە ناسراوە عەرەبییە بدۆزرێتەوە. هاوڕێ وەنیزییەکانم، پێیان دەگوتم؛ لە مەڵبەندی وەنیز، بۆ سازکردنی پۆلنتا٢، کەڵکوەرگرتن، لەم جۆرە گەنمە باوە.
بەم شێوەیە قسەدانکەم بەتاڵ بووەتەوە. هیوادارم تۆزێک بزەم هێنابێتە سەر لێوت. واتێدەگەم کە ئەم بێدەنگییە درێژەت، بە هۆی ماندوویەتی و خەمەکانتەوەیە و پێویستە تۆزێک پێبکەنیت. تانیا ئازێزەکەم! دەبێ نامەم بۆ بنووسیت. چوون تەنیا نامەم ئەگاتێ. کاتێک بۆ ماوەیەکی درێژ، لای تۆوە، نامەم نەگاتە دەست، دەڵێی؛ زیاتر لە هەمیشە تەنیا کەوتووم و هەموو پێوەندییەکانم لە گەڵ جیهان بڕاوە. بە خۆشەویستییەوە لە ئامێزت دەگرم.
١- Sarceno
٢- پێخۆرێكی ئیتالییە
ئانتوونییو گرامشی 15.01.1927
هیچ نظری موجود نیست:
ارسال یک نظر